Hüquq-mühafizə orqanları qətlin sifarişlə həyata keçirildiyini bildirirlər
Moskvanın mərkəzində daha bir azərbaycanlı biznesmen qətlə yetirilib. Lent.az-ın Rusiya xəbər agentliklərinə istinadən verdiyi məlumata görə, hadisə fevralın 2-də yerli vaxtla axşam saat 22:30-da törədilib.
Hüquq mühafizə orqanlarındakı mənbə bildirib ki, qətl Oktyabrın 40 illiyi prospekti ev 40-da yerləşən və “AZLK” zavoduna məxsus kafedə baş verib. Kafeyə girən iki naməlum şəxs tapançadan 38 yaşlı biznesmen, Azərbaycan vətəndaşı Hüseynovu (adı məlum deyil – red.) güllələyiblər. Həmyerlimiz aldığı yaradan hadisə yerindəcə keçinib.
Cinayətkarlar qətli həyata keçirəndən sonra qaçmağa müvəffəq olublar. Faktla bağlı Rusiya Cinayət Məcəlləsinin 105 maddəsinin 1-ci bəndi ilə (“Qəsdən adam öldürmə”) cinayət işi qaldırılıb. Güc strukturlarındakı mənbə bildirib ki, qətlin xarakteri cinayətin sifarişlə həyata keçirildiyini göstərir.
Sizin fikrinizcə pul ölməyə dəyər???