Azərbaycan paytaxtında növbəti intihar hadisəsi baş verib

Xətai rayon Polis İdarəsinin 35-ci Polis Bölməsindən verilən məlumata görə, hadisə rayonun Gəncə prospekti, 103 ünvanında qeydə alınıb. Adıçəkilən ünvanda 9 saylı mənzildə yaşayan, 1953-cü il təvəllüdlü Südabə Hüseyn qızı Salmanova mətbəx bıçağı ilə sinəsinə zərbə endirib. S. Salmanova xəstəxanaya çatdırılsa da, bıçaq daxilə çox nüfuz etdiyindən onun həyatını xilas etmək mümkün olmayıb. Qadının özünə qəsd etməsinin səbəbləri hələlik məlum deyil.

Faktla bağlı Xətai rayon Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.

Polis Bölməsindən iki uşaq anası olan S. Salmanovanın ruhi xəstə olduğu bildirilib.