Bu dəfə çinlilər Apple-ı təqlidçilikdə günahlandırıb Çərşənbə günü dünyaya tanıtılan Apple-ın yeni kompyuteri İPad, texnologiyada yeni dövrün qapılarını açsa da, Çindən gələn bir xəbər böyük şok yaradıb.
Təqlidçiliklə tanınan və ən qabaqcıl şirkətlərin məhsulalrını olduğu kimi təqlid edən çinlilər, bu dəfə də İPadin bənzərini düzəldib. Amma çinlilər bu dəfə daha erkən davranıb. Belə ki, İPad hələ satışa çıxarılmamışkən, Shenzhen Great Loong Brother Industrial Co. adlı Çin şirkəti, 6 aydır ki, İpada çox bənzəyən cihazı istifadəçilərinə satır. Qəribəsi isə budur ki, bu dəfə təqlidçilikdə günahlandırılan çinlilər yox, İPadin memarı Appledır. Hürriyetin xəbərinə görə, şirkətin direktorlarından biri olan Huang Xiaofang, AFP-yə verdiyi bəyanatda Apple-ın niye belə bir şey etdiyinə və öz məhsulalrını təqlid etdiyinə bir məna verə bilmədiyini açıqlayıb. Ötən ilin avqust ayında Çində satışa çıxarılan və İPada çox bənzəyən P88 adlı cihaz, Berlində həyata keçirilən Internationale Funkausstellung sərgisində də nümayiş etdirilib. P88-i istehsal edən şirkətin verdiyi açıqlamaya görə, İPadlə müqaisədə daha böyük bir ekrana sahib olan cihaz, daha sürətli və daha böyük RAM əməli yaddaşa və İPaddən fərqli olaraq USB portuna sahibdir. Amma 10 saatlıq batareya ömrünə sahib olan İPadlə müqayisədə P88-in ömrü 1.5 saatı keçmir.
|