Emin, Taleh ve Ayaz. Onlar hayatlarının baharındaydılar. Universiteti bitirib bu ölkəyə xidmət edəcəklərdi. Amma qanlı hadisə nəticəsində hayatlarını itirdilər. Azərbaycan elm yolunda həlak olan gənclərini son mənzilə yola salır.

Gəncə şəhər alüminiumçular qəsəbəsi, bağ massivinin sakini Emin İmaməli oğlu Abdullayev həlak olanlardan biridir. 1989 - cu ildə Daşkəsən rayonunda anadan olan Emin Abdullayev Azərbaycan Dövlət Neft Akademiyasının 2-ci kurs tələbəsiydi. Cinayətkarın açdığı atəş nəticəsində akdemiyanın dəhlizində həlak olan Emin Abdullayevin cəsədi bir gün əvvəl yaşadığı Gəncə şəhərinə gətirilib. Ötən gün təşkil olunan dəfn mərasimində iştirak edən doğmaları və yaxınları ən xoş xatirələrlə xatırladıqları Eminin yoxluğu ilə barışa bilmir.

Neft Akademiyasinda baş verən qanlı hadisə zamanı həlak olanlardan biri də, Qazax rayon Xanlıqlar kəndinin sakini Taleh Məmmədovdur. O, da doğma kəndində torpağa tapşırılıb. Kənd sakinləri, rayon rəhbərliyi və doğmalarının toplaşdığı dəfn mərasimində hər kəs mərhumu xoş xatirələrlə yad edib. 1988-ci il təvəllüdlü Taleh akademiyanin 4-cu kurs tələbəsi idi. O, orta məktəbi fərqlənmə attestati ilə bitirdikdən sonra ali məktəbə də yüksək balla daxil olub. Yaxınları Talehin yüksək əxlaq sahibi olduğunu deyirlər.

Hadisə zamanı dünyasını dəyışmış gənclərdən biri də Şamaxının Məlhəm kənd sakini Bağırov Ayazdır. Artıq onunda nəşi torpağa tapşırılıb. Ayaz dördüncü kursa oxuyurdu və cəmi 1 ay sonra məzun olacaqdı. Ancaq bu qismət olmadı. Elə son  imtahanlardan birində dünyasını dəyişdi. Ayazı son mənzilə yüzlərlə insan yola saldı, onu son mənzilə ailəsi, qohum qardaşı və qrup yoldaşlarının çiynində yola salındı. Cənazə namazı qılındı sonra da torpaqa tapşırıldı.