İveçrədə Davos İqtisadi Forumu çərçivəsində “Enerji outluk 2009” mövzusunda keçirilən iclas həm də Ermənistan prezidentinin növbəti dəfə Azərbaycan rəhbərliyi ilə üz-üzə gəlməkdən açıq-aşkar yayınması ilə yadda qalıb. Bu hamının gözü qabağında baş verib. Zala əvvəlcə, Azərbaycan prezidenti İlham Əliyev, ardınca Türkiyənin baş naziri Rəcəb Tayyib Ərdoğan, sonra isə aparıcı daxil olub. Hamı tədbirin nə vaxt başlanacağını dəqiq bilsə də, Ermənistan prezidenti Serj Sarkisyan və bu ölkənin xarici işlər naziri Edvard Nalbandyan gecikib. Tədbirin aparıcısı elan edib ki, Serj Sarkisyan beş dəqiqə gecikir. Daha sonra aparıcı yəqin ki, bu səbəbdən girişi uzadıb. Amma prezident Sarkisyandan xəbər çıxmayıb.

Bun abaxmayaraq Azərbaycan prezidenti, Türkiyənin baş naziri ilə yanaşı İranın xarici işlər naziri də suallara cavab verməyə başlayıb. Nəhayət yalnız sona yaxın Ermənistan təmsilçisi gəlib çıxıb. Amma prezident Sarkisyan görüşə qatılmayıb. Tədbirə qatılmaqdan və yəqin ki, rastlaşacağı sərt suallara cavab vermək aqibətindən qorxan Sarkisyanın əvəzinə tədbirə xarici işlər naziri gəlib.

Qeyd edək ki, Ermənistanın təcrübəsində bu, ilk dəfə deyil. Sarksiyanın müəllimi- Ermənistanın keçmiş prezidenti Robert Koçaryan Ermənistan-Azərbaycan danışıqları zamanı Fransada, Rambue qəsrində ayaqyolu bəhanəsi ilə aradan çıxmışdı./ANS TV/

© 2008 Bütün hüquqlar qorunur. Xəbərlərdən istifadə edərkən BiZiM-MeKTeB-ə istinad